Mendoi se ishte kukull, peshkatari shpëton rastësisht fëmijën 18-muajsh në mes të oqeanit

Një peshkatar nga Zelanda e Re ka shpëtuar një djalë 18-muajsh nga oqeani, në një incident të përshkruar si një “mrekulli e çuditshme”.

Gus Hutt, një pushues në Plazhin Matata në Ishullin e Veriut, po peshkonte kur pikasi një siluetë të vogël që lundronte në ujë.

Fillimisht ai mendoi se bëhej fjalë për një kukull dhe e kuptoi që bëhej fjalë për një fëmijë vetëm pasi ai filloi të bënte ca lëvizje. Djali kishte ikur nga çadra e prindërve të tij dhe kishte përfunduar në oqean.

Zoti Hutt tregon:

Unë mendova se ai ishte një kukull. Iu afrova dhe e kapa nga krahu, vazhdoja ende të mëndoja se ishte një kukull. Fytyra e tij dukej si porcelan ndërsa flokët e tij të shkrurtër ishin të shtruara nga lagia, por më pas ai lëshoi një frymë të vogël dhe mendova, ‘Oh Zot, ky është një fëmijë dhe është gjallë.”

Peshkatari Hutt zakonisht nisej në një rrugë drejt kampit për të peshkuar në plazh, por vendosi që atë ditë të peshkonte në një vend tjetër – 100m në të majtë.

Pasi kontrolloi linjat e tij të peshkimit, ai vuri re djalin që lundronte në ujë. Si duket, dita e vogëlushit nuk kishte ardhur akoma.