Mosdekretimi i Lleshit/ Rama për Metën: Asnjë referencë në Kushtetutë

Sipas Edi Ramës, refuzimi për të dekretuar Sandër Lleshin në krye të Ministrisë së Brendshme nga Presidenti Ilir Meta, nuk ka asnjë referencë në Kushtetutë.

Rama kujtoi edhe kundërshtinë e Bujar Nishanit për Fatmir Xhafajn, por në fund tha se ai e pranoi atë.

“Kushtetua ja ka përcaktuar të 12 kompetencat e presidentit dhe nuk figuron kompetencat e refuzimit të kryeministrit dhe të ministrave që gëzojnë besimin e kryeminatorit. Nëse do ekzistonte një kompetencë e tillë, nuk ka diskutim që paraardhësi i Metës do e kishte zbuluar. Nishani e firmosi atë ministër (Xhafajn) me duart e lidhura nga Kushtetuta. Sepse Kushtetuta ua ka thënë qartë se nuk mund të ushtrojnë kompetencë tjetër. Kushtetuta nuk i njeh presidentit as shprehimisht dhe as me nënkuptim, por Meta ka referuar një letër pa asnjë referencë ligjore.

Pra presidenti nuk ka krijuar bindjen e plotë për t’i dhënë besimin ministrit. Keqkuptimi është se unë nuk i kam besuar kandidat për ministër, por i kam çuar dekretin për një ministër dhe jo për një kandidat. Presidenti ku ka kompetencë për ta refuzuar” – tha Rama.

Leave a Reply

Your email address will not be published. Required fields are marked *