Njihuni me Argjendin, të riun ambicioz, pjesëmarrës në filmin “Dashuria s’mjafton”

Quhet Argjend Kurti, është i ri në moshë dhe ka vendosur që të ndjekë ëndrrën e tij në sirtar, atë të aktrimit. Argjendi është me origjinë nga Dibra, por se jeton dhe krijimtarinë e tij e ka të zgjeruar në Tiranë. Ai e ka nisur hapin e parë, duke u bërë pjesë e kastit të filmit “Dashuria s’mjafton”, film që pritet të dalë premierë në kinema brenda këtij muaji. Filmi në fjalë ka regjisor Drilon Hoxhën. Në filmin “Dashuria s’mjafton”, Argjendi ka një karakter të një djaloshi adoleshent, i llastuar nga prindërit e tij. Por Argjendi duket se do e vijojë suksesin e tij e nuk do që të ndalet. Ai ka parashikuar projekte edhe për të ardhmen e afërt. U përfol se do të merrte pjesë në një produksion serialesh turke, e ai ka bërë publike në “Instagramin” e tij personal, logon e kompanisë turke “Ay Yapim”. Kjo gjë nuk dihet akoma, por do të mësohet në të ardhmen e afërt. Ai tashmë ndryshoi “look”-un e tij, duke rritur flokët, për të pasur një pamje dhe karakter krejt të ndryshëm në filmin e radhës. Tashmë Argjendi është pjesë e një stafi të një tjetër filmi shqiptar, që pritet të dalë së shpejti për publikun.