Meta bashkohet me bastaxhitë e Europës / Korçarët që shitën ndeshjet me Beogradin

Janë duenuar nga UEFA puer 10 vjet sepse shisnin ndeshjet por sot ata kishin festë.

Presidenti Ilir Meta, ka vizituar ditën e sotme qytetin e Korçës, ku dhe ka vlerësuar disa legjenda të sportit korçar por edhe atij kombëtar.

Postimi i plotë i Presidentit Meta:

Në “Parisin e vogël”, Korçën e serenatave, dashurisë, qytetarisë, arsimit dhe atdhedashurisë, pata nderin të vlerësoja sot disa nga legjendat e sportit korçar por edhe atij kombëtar, të cilët kanë shkruar historinë më të ndritur të klubit “Skënderbeu” në të gjitha disiplinat: futbollistin e shkëlqyer e të papërsëritshëm Teodor Vaso; golashënuesin e shquar Dhimitraq Xhambazi; portierin e “ajrit” Koço Dinella; trajnerin e papërtuar të atleteve shqiptare, Piro Kasati; kampionen e dimensioneve europiane dhe “mbretëreshën” e atletikës Pavlina Evro; simbolin e volejbollit shqiptar Tamara Nikolla dhe basketbollisten e jashtëzakonshme Zamira Koleci.

Shembulli i tyre është frymëzues për fëmijët e të rinjtë për të arritur rezultate të larta dhe për të qenë të suksesshëm, jo vetëm në sport, por edhe në jetë.🇦🇱