Në Michigan u nda nga jeta veprimtari Shemsi Nishevci

Nga: Osman Makolli, Sterling Hts, Michigan

 

Jeta e gjatë është brenge e të gjithë neve, ngritja e familjes dhe nostalgjia për vendin e origjinës ishin pjesë e ecejakeve jetësore e veprimtarit Shemsi Nishevci.

Shemsi Nishevci u lind me 2 Maj 1945 në Ballovc të Podujevës, shkollën fillore e kreu në Podujevë, Gjimnazin në Prishtinë, ndërsa studimet i purfundoi në Prishtinë në Fakultetin juridik dhe Fakultetin e historisë.

Punoi në BVI për pensione ku ishte udhëheqës për shumë kohë para se me ardhë në SHBA me 1999 si refugjat i luftës.

Biografia e veprimtarit Shemsi Nishevci ishte shumë më e rëndë se që mund të përshkruhet. Ai kishte rolin e një prindi dhe edukatori të shkëlqyer në familje.

Ka dhënë një kontributit të rëndësishëm për zgjidhjen e problemeve të nduarnduershme të pensionisteve në Kosovë të cilët kanë pasur mbështetjen profesionale dhe ligjore të Shemsiut.

Ai ishte pjesë e plejadës së juristëve të Kosovës të cilët u shquan për pavarësimin institucional të saj.

Ardhja e tij e detyrueshme në SHBA i dha shqetësime të mëdha, sidomos lufta dhe pasojat e saj.

Por, puna dhe angazhimi i fëmijëve e mbajti atë krenar deri në momentet e fundit të jetës.

Dashuria për ta dhe nipërit ishte e madhe sa ishte zemra e Shemsiut.

Në emër të familjes Nishevci, ju falënderoj për ngushëllimet dhe mbështetjen që morëm, si nga Kosova, Evropa dhe SHBA.

Shemsiu la pas vetes tre vajza dhe dy djem: Fitoren, Vjollcën, Afroren, Artanin dhe Drenin. Që të gjithë me banim në SHBA.

Në praninë familjarëve dhe shumë bashkëtarëve, Shemsiu u përcoll për në banesën e fundit në varrezat knvollwood Memorial Park nën Canton, MI.

Pusho në paqe Shemsi i dashur!

 

 

 

Leave a Reply

Your email address will not be published. Required fields are marked *