Basha i lëpihet studentëve: “Pse s’më lejoni të afrohem në protestë”

Në një konferencë për mediat ditën e sotme, kreu i opozitës Lulzim Basha akuzoi policinë për dhunën e ushtruar ndaj studentëve në ambientet e universiteteve, të paktën sipas tij. Ai i bëri thirrje prokurorisë të nisë hetimet. Ne kete menyre ai tentoi te mikloje studentet qe nuk e lejojne te bashkohet me ta

“Java që sapo lamë pas është dominuar nga mbulimi i Shqipërisë nga i ftohti dhe dëbora dhe braktisja e mijëra familjeve nga qeveria, e cila paratë për mirëmbajtjen e rrugëve ia ka dhënë një grushti kompanish dhe tani nuk po lëviz gishtin për t’i ndihmuar. Së dyti, nga përshkallëzimi i protestave të studentëve për të realizuar kërkesat e tyre të drejta dhe dhunimi i tyre i paprecedentë në ambientet e universiteteve nga policia e shtetit dhe ajo private. Jemi i vetmi vend në Europë dhe Botë ku policia është futur në ambiente universitare ku studentët po protestojnë më ligj. Ligji për arsimin e lartë e thotë qartë se ndërhyrja e policisë bëhet me kërkesë të titullarit cenimi i paprekshmërisë ndëshkohet sipas ligjeve në fuqi. I bëj thirrje prokurorisë të hetojë. Me heshtjen e saj ajo po provon se është bashkëfajtore me falangat kriminale të një të marri që ka urdhëruar dhunimin e studentëve”, tha Basha.