Dhjetori që na bëri të ndërrojme kapitull

Nga- Denajda Lami, studente e Gazetarise

“Arsimi është arma më e fuqishme që mund të përdorësh për të ndryshuar boten”, -ka thënë dikur ish presidenti afrikan ,Nelson Mandela.E lexuar nga nje shqiptar do mendonte se është shkruar enkas për vendin e tij pasi është pikerisht cështja e arsimit që i bëri shqiptarët që tanimë për të dytën herë të ndërrojnë kapitull në dhjetor.
Ishte data 8 dhjetor e vitit 1990 kur djemte dhe vajzat e “Qytetit Studentit” të lodhur,te zhgënjyer, të pakënaqur u ngritën në protestë kundër politikave komuniste të asaj kohe.Kaluan kështu 4 ditë me aq shume ngjarje dhe protagonistë sa nuk do të mjaftonte një libër për t’i përshkruar, kur më në fund arritën të rrëzonin regjimin komunsit në të cilin jetonin, duke hapur kështu rrugën e një kapitulli të ri për shqiptarët.Por sic ndodh gjithmone ,bota rrotullohet dhe historia perseritet. Pas plot 28 vitesh ,si për ironi të fatit ,në 6 dhjetor të 2018 janë po bijtë dhe bijat të këtyre studentëve të cilët duke ndjekur hapat e prindërve të tyre ngritën peshë zemrat e të gjithe shqiptarëve nga Vermoshi në Konispol.”Nuk ështe vetëm cështje tarifash ashtu sic në 1990 nuk ishte vetëm cështje dritash”,janë shprehur politikanë,figura publike e shumë qytetarë në mbrojtje të protestës studentore ose sic shumica e kanë pagëzuar si”Dhjetori I dytë”.Studentët renditën listën e tyre me 8 kërkesa ku vlejne për tu përmendur kryesisht: reduktimi I tarifave deri në përgjysmim pasi shifrat kishin arritur ne stratosferë, rikonstruktimi I konvikteve pasi nuk kanë kushtet minimale për te jetuar, vetting I pedagogëve duke bërë rishikim te titujve dhe plagjiaturave dhe trasparenca në buxhet.Të gjitha këto të bëjnë të mendojnë që problemi është më I thellë dhe lidhet me këto 28 vite qeverisje ku burokracia ka arritur majat dhe meritokracia mbetet një ëndërr.Protesta e studentëve mbeti gjëja më e pafajshme dhe më e paprekur në gjithë këto vite, ku partitë e ndryshme politke dhe organizatat u përpoqën t’i bënin për vete apo kur qeverisja aktuale donte ta shuante.Ajo cfarë e bëri këtë protestë të njohur deri në anën tjetër të botës ishte mënyra e vecantë se si studentët e ngritën zërin e tyre duke e bërë qeverin “të strukej” dhe Kryeministrin të bente monolog nëpër rrjete sociale, ishte solidarizimi që studentet kishin me njëri tjetrin dhe “Memet e famshme” ,të bera hit nëpër rrjete sociale.Ironike,sarkastike,atdhetare “Memet e studentëve” bënë që kjo protestë të raportohej edhe në mediat më prestigjoze të botës si: Washington Post, New York Times dhe The Assiociated Press.Këto media kanë shkruar për protestën e studentëve,bojkotin e mësimit,”memet” dhe vendosshëmrinë e tyre për t’I shkuar deri në fund.
Tentativat e shpeshta të Kryeministrit Edi Rama për dialog ishin të kota sepse studentët kurrë nuk u gjunjëzuan pasi edhe sot mbas një muaji e disa ditësh proteste dhe bojkoti ,studentët qëndrojnë në këmbë si në diten e parë dhe të vendosur në kauzën e tyre,tanimë me mbështetje dhe të pedagogëve.