E ÇUDITSHME: Nesër LSI në krye të studentueve / Ja deklarata….

Kryetarja e LSI-së Monika Kryemadhi është takuar pasditen e sotme me studentët e Lëvizjes Rinore për Integrim.

Kryemadhi iu ka dhënë atyre porositë e fundit një ditë përpara protestës së studentëve që pritet të mbahet ditën e nesërme.

Kryetarja e LSI-së i ka bërë thirrje studentëve të LRI të ftojnë miqtë e tyre në protestë, me qëllim rrëzimin e qeverisë.

Pjesë nga deklarata:

Nxirni telefonat nga xhepi dhe ftoni miqtë tuaj të marrin pjesë në protestë nesër. Bëhuni gardh për ata që tentojnë ta përçajnë protestën. Sot është shansi dhe mundësia, harroni politikat, harroni flamujt e partive, sot keni lider shpirtëror atdheun dhe besimin në zot. Forca mos ndaloni, mos kini frikë, sepse të bashkuar keni për të fituar, keni për të triumfuar. Vetëm të bashkuar mund të mposhtni këtë të keqe të madhe.