A do e vrisnit edhe ju vajzën nëse dashurohet me pakistanez?!

Një krim i rëndë me pasojë një të vdekur është shënuar në ditët e para të 2019-ës në qytetin e Korfuzit.

Anxhela Pjetri, 28 vjeç është viktima e parë shqiptare e shënuar në tokën greke për këtë Vit të Ri.

Mediat greke shkruajnë se autori i vrasjes është babai i viktimës, i cili pasi e ka vrarë të bijën, e më pas e ka varrosur në oborrin pas shtëpisë.

Mendohet se motivi i krimit të rëndë ishte lidhja daahurore që 28-vjeçarja kishte me një shtetas afgan.

Mediat greke shkruajnë se babai i saj ishte kundër kësaj lidhjeje.

Ka qenë i dashuri i viktimës që ka bërë denoncimin pasi nuk po arrinte që të kontaktonte me 28-vjeçaren.

Ai ka ngritur dyshimet se vajza mund të ishte vrarë, pasi i ati nuk pranonte lidhjen.

Më pas policia ka marrë në pyetje të atin e vajzës, ku ka zbuluar se ishte ai autori i vrasjes.

Fillimisht ai ka treguar vendin ku ishte gjetur e vdekur vajza, ndërsa ka mohuar se ishte ai autori që e kishte ekzekutuar, por pas pyetjeve të grupit hetimor ka dhënë përgjigje kontradiktore duke bërë që të merret i pandehur si i dyshuari kryesor për vrasjen.