Prit gomar sa t’mbijë barë/ Rama: Mos u mërzisni, do rikonstruktojmë 300 qendra shëndetësore

Kryeministri Edi Rama i ka kthyer sytë nga shëndetësia. Prej 3 ditësh promovon në faqen e tij në facebook punën që po bëhet për rikonstruksionin e qendrave shëndetësore. Sot tregon me pamje rikonstruksionin e qendrës shëndetësore në Haxhias të Elbasanit.

Në postimin e tij kreu i qeverisë bën premtimin se do rikonstruktohen 300 qendra shëndetësore brenda këtij mandati qeverisës. Por nis nga komentet e shumta, ai u kërkon qytetarëve të mos mërziten.
“MIRËMËNGJES , dhe duke ju kërkuar të mos mërziteni, se do keni plot 300 nga këto brenda këtij mandati, ju uroj një ditë të mbarë”, shkruan ai.