Pyetja 1 milion dollarëshe për Edi Ramën

Viti që lamë pas, por jo vetëm, është viti i vdekjes së ekonomisë formale dhe zëvëndësimit të saj nga ajo informale.

Kulmi arriti kur vetë shefi i Bankës së Shqipërisë, pranoi falimentimin.

Gent Sejko doli e tha live se ne nuk e mbajmë dot euron nën kontroll ndaj kompanitë eksportuese të përgatiten për falimentim, pasi ne kemi hashashin.

“Hashashi po na bën kërdinë,- tha- po na sjell euro me trailer, jo vetëm po e kultivojmë, shesim, kalojmë nëpër dogana, por ai lek po hyn lehtësisht në Shqipëri dhe po shkatërron euron.

Leku është shumë i kërkuar, sepse krejt paraja e pisët po kthehet në lekë dhe po përdoret për investime e vota. Ne si Bankë e Shqipërisë nuk jemi të zotët më ta mbajmë nën kontroll. Shpall dorëheqjen e Bankës së Shqipërisë nga euro“. I ngriti duart publikut shqiptar dhe doli nga skena.

Në cdo vend të botës, edhe asaj të tretë, ky duhet të ishte një skandal i mjaftueshëm, jo vetëm për të rrëzuar direkt këtë qeveri, por për ta marrë zvarrë deri në burg…

Por sot doli Edi Rama, kësaj rradhe, jo për të larë gojën, por për të na folur për arritjet ekonomike. Habija lind natyrhëm ku gjen kurajon ky tani?!

Për cfarë do të flasësh zoti kryeministër?!

Për biznesin eksportues që shkatërrove, të cilit në më pak se një vit i ke marrë 9 % të ardhurave dhe komplet fitimin me degradimin që i bëre euros?!

Për ato mijra punonjës që pritet nga dita në ditë të dalin në rrugë?!

Për papunësinë e ulur të shqiptarëve që s’janë më, që kanë marrë rrugët e botës dhe zotëria jote votat po rrekesh t’i marrësh në emigracion?!

Për papërgjegjshmërinë tënde që emëron ministër financash më të përfolurin për korrupsion e paaftësi dhe bashkë me të bëni ligje për interesat e 10 kompanive miliardere, që iu mbajnë me lekë votash, ndërkohë që i fusni haptas dorën në xhep të gjithë biznesmenëve shqiptarë që punojnë me djerse e mbajnë mijëra familje.?!

Për Gon Papulin, Vilma Nushin, Manen e të tjerë që importojnë me miliona euro mall nga jashtë?!

Atyre doje t’i mbaje dorën ti duke i bërë euros spektakël, nderkohë që cmimet e produkteve në treg vetëm janë rritur?!

Për c’arritje flet, thuaje mos hezito!

Për eksportet që s’janë fare, po fare, meritë e një qeverie kaq armike me biznesin eksportues, që i ka shkatërruar besimin e avenirin, por janë meritë e krahut të lirë të punës në Shqipëri, të cilit shpejt do t’ia ndjeni krismën?!

Për bilancet e mira në letra që do të na nxjerrësh në fillim të 2019, sikur gjoja meritë e menaxhimit të mirë, jo shkatërrimit që i bëtë euros?!

Për punonjësit e kompanive eksportuese, punëdhënësit më të mëdhenj në Shqipëri, që iu vratë cdo shpresë për prosperitet në vendin e tyre?!

Për shoqërinë e mesme që e zhbitë nga ky vend me metodat tuaja të promovimit të lloj lloj idioti në administratë, në emër të paaftësisë e servilizmit?!

Ah Edi Rama, Edi Rama, me sa duket ti je ai katranjosi tipik, që nuk kupton gjë prej gjëje në problemin e matematikës, por kopjon vetëm rezultatin final, dhe kështu shpreson t’ia hedhë gjithë jetën sistemit.

E vetmja pyetje e sinqertë që kemi për ju nëse dënjoni, është të na shpjegosh se si është e mundur, që një tip kaq rastësor sa ju, krejtësisht në kontekst negativ, arriti të superojë barrierat e ngritura nga një nivel i lartë intelektual, në një parti me profesorë ekonomie e shkencash dhe e uli nivelin e saj deri këtu, dhe jo vetëm të Partisë Socialiste, por të kryeministrisë e parlamentit?