Real Madrid shet ndeshjen / Vazhdon pazari basteve

Reali e ka nisur në mënyrën më të keqe të mundshme vitin e ri 2019. Pas barazimit 3 ditë më parë në fushën e Villarreal, kampionët e Europës u mundën 0-2 në “Bernabeu” nga Real Sociedad.

Skuadra e drejtuar nga Solari mori një goditje të shpejtë, duke pësuar gol që pas 180 sekondave të parë, ndërsa më pas u tregua e pafuqishme për të reaguar.

Vendimtare ishte edhe minuta e 61 kur Lucas u ndëshkua me kartonin e dytë të verdhë duke u larguar nga fusha e lojës para kohe.

Edhe pse madrilenët u munduan të gjenin golin e barazimit ishte sërish Sociedad që shënoi edhe golin e dytë 7 minuta para mbylljes së kohës së rregullt.

Adnan Januzaj, lojtari me origjinë nga Kosova, por që përfaqëson Belgjikën luajti 90 minuta në këtë takim edhe pse nuk mundi të shënonte.