Topalli thirrje për protesta/ Të rrëzohen Rama, Basha dhe Meta

Ish-nënkryetarja e Partisë Demokratike, njëkohësisht ish-kryetarja e Kuvendit, Jozefina Topalli është shprehur se janë vetëm katër persona që vendosin sot për fatin e shqiptarëve.

E ftuar në studion e ABC News, Jozefina Topalli tha se katër persona të cilët vendosin sot për fatin e shqiptarëve janë Edi Rama, Ilir Meta, Lulzim Basha dhe Erjon Veliaj.

“Mjafton të themi që kemi katër vetë ata që kanë pushtetin dhe ata janë Rama, Meta, Basha dhe Veliaj. Forcat politike janë rrudhur por janë në shërbim të këtyre kryetarëve. Janë këta katër persona që merrin vendime në emër të shqiptarëve”.-tha Topalli.

Ndërsa lidhur me protestën e paralajmëruar nga opozita, Jozefina Topalli, tha se protesta nuk duhet të jetë vetëm për rrëzimin e Ramës, por për rrëzimin e Ramës, Bashës, Metës dhe Veliajt.

“Vetëm kur shqiptarët të ngrihen për t’i rrëzuar të katërt, atëherë gjendja ka për të ndryshuar.”-tha ndër të tjera Jozefina Topalli./CNA.al