Amerika është kundër PD por i vjen në mbështetje Kaçi

I ftuar në emisionin “Natë me Xhaxhiun” Kastriot Islami u shpreh se atë e kishin larguar nga Partia Socialiste kriminelët dhe biznesmenët që kishin çfarë t’i jepnin Edi Ramës.

“Mua më larguan njërëzit e pasur që i duheshin Ramës dhe kriminelët që i shërbejnë për të blerë votën, ata kishin çfarë t’i jepnin”, – deklaroi Islami.

Duke folur më tej për vendimin e opozitës për të djegur mandatet e deputetëve, ai tha se opozita ka qenë e detyruar të bëjë një veprim të tillë. “Zgjedhjet që janë një mënyrë për të luftuar sipas tij,  janë marrë peng, çfarë ngelet tjetër për të bërë”.

Po ashtu Islami foli edhe për politikën që po ndjek Rama e sidomos atë ndërkombëtare ku tha se ai nuk e ka mbështetjen e tyre sepse sipas tij ai nuk garanton stabilitet.

“Rama nuk ka mbështetje ndërkombëtare por ka një mbështetje të vogël nga këta që po ikin. Sepse nuk garanton më stabilitet. As stabilitetin nuk e ka treguar më sepse protestat e treguan këtë gjë. Ata po mundohen të frenojnë opozitën, pasi është e revoltuar dhe nuk duan tensione, por do ti çojnë mesazhin Ramës ku do ti thonë që ti nuk tregon më stabilitet. Pavarësisht se ky mund të bëjë lojën dhe t’ju thotë që më lini deri në 2021 sa të mbaroj këtë mandat se do të iki vetë, duke u munduar t’i gënjejë deri në zgjedhje”, tha ish-deputeti i PS-së.

Islami foli edhe për marrëveshjen e 17 majit ku tha se nuk mendonte se Basha është shitur dhe duke marrë parasysh dredhirat e Ramës me deklaratat komplimentuese ndaj Bashës, tha Islami,  do të manipulojë opinionin.

“Basha ka bërë një marrëveshje për hir të besimit për interesin e vendit. Nuk ka zbatim marrëveshjes por kreu i opozitës është mashtruar në atë takim. Për Ramën nuk ka mandat të tretë edhe sikur të ketë një mandat të tretë për PS-në pavarësisht se as këtë variant nuk e besoj”, – u shpreh Islami në fund të intervistës.