Avioni i “Blu Panorama” tym në ajër, sa do “luhet” me jetën e shqiptarëve

Pasagjeret që udhëtonin me avionin e “Blu Panorama” nga Rinasi për në Ankona kanë përjetuar momente paniku dhe tmerri. Situata e pasigurisë në avion u krijua pasi në kabinën e pilotit u konstatua tym gjatë kohës që kishte nisur fluturimi.

Pas defektit avioni është kthyer sërish në aeroportin e Rinasit dhe ende nuk ka një konfirmim zyrtar nga kompania apo autoritetet aero-portuale se çfarë ka ndodhur. Ekspertet po kontrollojnë gjendjen e avionit për të zbardhur shkaqet e defektit që mund të kishte pasur pasoja të renda.

Por problemet me avionët që nisen nga Rinasi nuk kanë qenë të pakta. Në mediat italiane një ditë më parë është raportuar një tjetër rast, ndërsa avioni i përkiste kompanisë “Fly Ernest”.  Avioni do nisej nga Rinasi në orën 19:20 të së premtes dhe do ulej në Malpensa në orën 21:15. Por një problem teknik bëri që ky udhëtim të shtyhej për në orën 2:30 të së shtunës.

Një ndër pasagjerët në fluturimin EG102 ishte dhe një 44-vjeçar nga Mesero, i cili dha lajmin për mediat italiane. Pier Gabriel Torrente tha se avioni i “Fly Ernest” nuk zbriti në Rinas, pasi kishte probleme që ishin pikasur që në nisje, ndërsa udhëtimi i krye me një avion të Tayaranjet.

Pier Gabriel Torrente
Pier Gabriel Torrente

Në aeroport në Tiranë ne kemi përpiluar një fletë-ankesë kolektive, por e dimë që është vështirë të marrim një kompensim. Dhe ne e dimë se ka probleme të tjera më serioze. Por ne duam të garantohen të drejtat e udhëtarëve. Nuk ishte mirë që ta gjeje veten të braktisur, pa informacion, në një aeroport të panjohur për ne”, ka thënë 44-vjeçari.

Gjatë muajit janar, Autoriteti i Aviacionit Civil publikoi për herë të parë listën nominale të shoqërive ajrore, të cilat kanë bërë më shumë vonesa dhe anulime, duke i lënë pasagjerët të presin në aeroport. Sipas raportit, për vitin 2018, kompania me numrin më të lartë të vonesave ishte “Fly Ernest”. Përgjatë të gjithë vitit të kaluar, “Fly Ernest” ka bërë më shumë se 72 vonesa mbi 2 orëshe dhe 14 anulime të fluturimeve.

Pas saj, në vendin e dytë renditet menjëherë “Blu Panorama”. Sipas Autoritetit të Aviacionit Civil, gjatë vitit që lamë pas “Blu Panorama” bëri 71 vonesa mbi 2 orëshe, ndërkohë që anuloi 6 fluturime të planifikuara.

Në vendin e tretë dhe të katërt në listën e kompanive më problematike renditen “Albaëings”, me 37 vonesa mbi dy orëshe, dhe “Adria” me 8 vonesa. Ligjet në fuqi u japin të drejtë pasagjerëve, që në rast vonesash apo anulimi të fluturimeve, të përfitojnë kompesim deri në 250 euro nga shoqëritë ajrore. Nga të dhënat zyrtare rezulton se, për vitin e kaluar kompanitë ajrore kanë pranuar 1.200 kërkesa për kompesim, e deri tani kanë realizuar 700 të tilla./Opinion.al