Brajoviq e përkrah çfarëdo marrëveshje ndërmjet Kosovës dhe Serbisë

Kryetari i parlamentit malazez mori pjesë në tryezën e rrumbullakët të organizuar nga Programi për Menagjimin e Konflikteve në John Hopkins University.

Në diskutimin e tij z.Ivan Brajoviq theksoi se kisha ortodokse serbe është shumë aktive në Mal të Zi dhe po krijon shqetësime të panevojshme. “Tani jemi në process të qartësimit së situates dhe të vendoset se çfarë i takon kishës malazeze e çka asaj serbe.” Tha Brajoviq. Më tej ai theksoi se “në kohën e mbretërisë Serbo-Kroato-Sllovene kisha malazeze është ç’pronësuar. Tani Mali i Zi përveq kësaj po ballafaqohet me ndërhyrjen e Serbisë dhe Rusisë në punët e brendshme të Malit të Zi”.

Sa i përket temës së shkëmbimit të terriroreve ose korrigjimit të kufirit ndërmjet Kosovës dhe Serbisë, Brajoviq deklaroi se është kundër shkëmbimit të territoreve. Mirëpo, nëse merren vesh ndërmjet vete Serbia dhe Kosova, atëhere Mali i Zi do ta pranojë këtë marrëveshje.

Investimet Kineze në Mal të Zi janë të mirëpritura theksoi ai duke shtuar se ofertat ishin të volitshme. Në fund Brajoviq tha se është optimist për integrimin e Malit të Zi në Evropë sepse deri tani janë plotësuar 32 nga 33 kritere të parashtuara nga BE-ja. Serbia i ka të plotësuara 16 prej tyre ndërsa Shqipëria dhe Maqedonia sapo kanë filluar t’i plotësojnë.

Arsim Çejku, Washington