Cilin po kopjon, dhe kujt ja vodhi simbolin Lulzim Basha?

Protestae Aleances kuqezi prej 6 vitesh por edhe e studentëve në dhjetor të vitit të shkuar, ishin protesta moderne dhe tejet origjinale për nga gjetjet dhe mënyra si protestuan të rinjtë shqiptarë.

Aleanca Kuqezi zyrtarisht promovoi simbolin e shqiponjës që sot e praktikojnë 10 milion shqiptar.

Po thuaj të gjitha simbolikat janë idet dhe aksiont politike të lëvizjes Kuqezi nga tymueset, shashkat, zinnxhiret e protestave dhe deri tek shqiponja. Per disa vite lideri Berisha u tall dhe bente humor me simbolin shqiponje te Kreshnik Spahiut por me sa duket më shumë se inate personale ato kanë qenë xhelozi politike.

I njohur si një politikan pa ide, Lulzim Basha është ndëruar një kopje e shëmtuar e Kreshnik Spahiut

Duke filluar nga memet tejet interesante që bënin xhiron e rrjetit dhe deri te mënyra e organizimit, studentët u bënë “magnet” për drejtuesit e forcave politike, të cilët nxituan, së pari për të prishur një protestën model të tyre dhe së dyti për tu vjedhur atyre nismat. Diçka e tillë ndodhi fillimisht me Partinë Demokratike dhe Lëvizjen Socialiste për Integrim të cilët më ndihmën e bashkive të drejtuara prej tyre nxitën protesta në vend dhe bllokuan rrugët kryesore. Por, nëse PD dhe LSI më shumë e dëmtuan këtë protestë të studentëve sesa i erdhën në ndihmë atyre. Një përpjekje tjetër akoma më tinëzare erdhi nga Kryeministrin Edi Rama i cili përdori çdo metodë për të “vjedhur” protestën e studentëve dhe në fund ia doli ta përçajë atë përfundimisht. Të gjithëve na kujtohen fotot dhe mimikat e Kryeministrit në instagram me thirrjet e tij ndaj studentëve për dialog. Pankarta me flamurin shqiptar dhe himni kombëtar ishin dy elementë që përbashkuan mijëra studentë shqiptarë gjatë gjithë muajit dhjetor.

Sot, Lulzim Basha para demokratëve të mbledhur në oborrin e partisë demokratike në përfundim të protestës nisi të këndonte himnin kombëtar. Pa ndonjë vesh muzikor, Basha guxoi të këndonte himnin kombëtar për ti dhënë përmasa kombëtare kësaj proteste të thirrur nga dy partitë më të mëdha opozitare.