E BUJSHME, ARMAND DUKA ZGJIDHET ANËTAR I KOMITET EKZEKUTIV TË UEFA-S

Armand Duka është zgjedhur anëtar i Komitetit Ekzekutiv të UEFA-s.

Presidenti i Federatës Shqiptare të Futbollit ka marrë 36 vota në Kongresin e 43-të të UEFA-s që po zhvillohet sot në Romë të Italisë. Një lajm i mrekullueshëm ky për futbollin shqiptar, i cili tashmë do të ketë zërin e tij në qeverinë e futbollit europian.

Kujtojmë që prej ditësh, Armand Duka ishte në fushatë duke lobuar fort për një vend në Komitetin Ekzekutiv. Koicidencë e fatit, por sot një vit ai u rizgjodh edhe në krye të Federatës Shqiptare të Futbollit.

Ndërkohë urimi i parë për kreun e FSHF-së vjen nga vëllai i tij, Agron Duka.

“Krenar për ty dhe për forcën e ideve të tua që sot çuan Shqipërinë në Olimpin e futbollit Europian!”, shkruan ai.