Eurodeputeti Tunne Kelam: Bojkoti sinjal i keq, duhet unitet për integrimin në BE

Kryesuesi i delegacionit të PE, Tunne Kelam kërkoi nga palët politike që të bashkëpunojnë për qëllimin e përbashkët të integrimit në BE.

Tunne Kelam: Të gjitha problemet mund të zgjidhen brenda BE. Të gjitha problemet e demokracisë, të shkeljes së demokracisë, të bashkëpunimit mes partive, pra të gjithë mund të zgjidhen në kuadër të BE.

Është e rëndësishme që të mos vonohet, ose mos shkaktohen vonesa të tjera në këtë proces.

Ne jemi po aq të interesuar që të mirëpresim Shqipërinë në anëtarësimin e BE, po aq sa jeni ju shqiptarët të interesuar.

Ju keni bërë progres në shumë fusha, keni shumë për të bërë. Vëmendja jonë shkon në reformën në drejtësi, në procesin e vetingut. Por pjesa më e rëndësishme është zbatimi. Për këtë zbatim, dhe për të qenë ju të gatshëm për hapjen e negociatave nevojitet bashkëpunim i brendshëm.