Mediat e huaja për protestat: ‘Shqiptarët po djegin vehten”

Protesta e sotme e opozites perballe Parlamentit

Protesta e sotme e opozitës përpara Parlamentit, ka marrë jehonë edhe në mediat ndërkombëtare.

Mediat greke, italiane, amerikane dhe agjensitë e mëdha ndërkombëtare të mediave kanë ndjekur në çdo moment ngjarjet në Tiranë.

Ja disa nga titujt e mediave të huaja rreth protestës së sotme:

Titulli i gazetës greke Iefimerida

‘Episodet dhune në Shqipëri, protestuesit u përpoqën të hynin në Parlament’

‘Në Tiranë shpërthyen episode të forta dhune kur mbështetësit e opozitës u përpoqën të pushtonin Parlamentin’.

Protestuesit gjuajtën ndaj policisë gurë, flakadanë, si dhe digjnin goma jashtë parlamentit, në një përpjekje për të parandaluar hyrjen e deputetëve të maxhorancës në godinë, shkruan gazeta greke Iefimerida, transmeton Newsbomb.al.

BalkanInsight 

‘Gaz lotsjellës në Tiranë’

‘Policia dhe protestuesit u përleshën sonte në demonstratën më të fundit antiqeveritare’

Policia përdori gaz lotsjellës për të shpërndarë protestuesit përpara parlamentit të Shqipërisë, pasi demonstruesit u përpoqën të çanin kordonin policor dhe të hynin në ndërtesën e parlamentit.

Mediat lokale raportojnë se turma u shpërnda shpejt ndërsa maxhoranca vazhdoi seancën parlamentare.

Ndërsa një seancë vazhdoi brenda parlamentit, protestuesit ndezën zjarre dhe hodhën gurë jashtë. Policia përdori gaz lotsjellës për t’i shpërndarë ato.

Houston Chronicle

‘Protesta e opozitës në Shqipëri kundër qeverisjes së socialistëve’

Asociated Press

Mbështetësit e opozitës së Shqipërisë hodhën flake dhe shkatërruan një gomë makine jashtë parlamentit të vendit, në një përpjekje për të bllokuar ligjvënësit që të hynë në ndërtesë midis thirrjeve kundër qeverisë.

LA SICILIA

Shqipëri: Protesta e opozitës përfundoi

Pas rreth tre orësh tensionesh dhe përleshjesh me policinë, protesta e opozitës shqiptare përfundoi para ndërtesës së parlamentit në Tiranës, ku maxhoranca mbylli seancën. Turma e demonstruesve, e udhëhequr nga krerët e opozitës, është larguar duke qëlluar në drejtim të forcave të shumta policore të vendosura në hyrjen kryesore të Parlamentit.