Nuk e rrëzoj dot Ramën sot / Kismet të enjten tjetër

Kryedemokrati Lulzim Basha në fjalën e tij përpara mediave, menjëherë pas protestës te Parlamenti, është shprehur se shteti ka rënë.

Nga Selia Blu, Basha ka thënë se Rama përdori dhunën ndaj qytetarëve që protestojnë për të marrë sendin e vjedhur nga bandat e Dakos, Avdylajve apo Shullazët.

‘Mos ulni kokën dhe të pranoni fatin e skllavit, fatin e Edi Ramës dhe eskortës së tij të kriminelëve që kërkon për shqiptarët. Jeni ngritur për të mos u ulur më deri në fitoren e qytetarëve mbi bandat e kriminelëve që kanë marrë peng Shqipërinë. Si minj u mblodhën sot. Ju falenderoj nga zemra, qindra mijëra qyetarë, për t’i treguar mbarë botës. Sot Edi Rama përdori dhunën e verbër ndaj qytetarëve që protestojnë në paqe për të marrë sendin e vjedhur nga banda e Ramës me Dakon, Avdylajt, Shullazët. Sot ne nuk kemi më Kuvend, nuk kemi më qeveri, nuk kemi më as polici’, ka thënë Basha ndër të tjera.