PO NDODH: Luli mbërrin mes protestuesve me “çakmak” në dorë / Gati djegia e parlamentit

Në këto momente kryetari i PD, Lulzim Basha ka mbërritur në selinë blu.

Në oborrin e selisë kryedemokrati është pritur nga qindra qytetarë të cilët janë përshëndetur nga Basha.

Kreu i PD në një prononim të shkurtër për mediat u shpreh se sot është ditë historike, dita e parë kur mandatet i kthehet popullit.

‘Ky është nje mesazh që ta dëgjoje mirë Rama. Në dimë që policia e Shtetit bëhet nga burra dhe gra të keqpaguar. Janë detyruar të paguajnë rryshfete për të mbajtur vendin e punës. Sot është ditë historike, dita e parë kur mandatet i kthehet popullit. Sot ne do të bëjmjë realitet djegien e mandateve. Efekti i parë është rrethimi me tela me gjemba dhe arratia e Edi Ramës nga Tirana. Protesta duket qartë se do ia arrijë qëllimit. Mandatet do të digjen sot, Parlamenti ka mbyllur duart dhe qeveria për sot është larguar, ne përmes bashkimit qytetar do të bëjmë të mundur që këto ngjarje të mos jenë të vetëm një ditë por të kthehen shumë shpejt në zgjidhjen përfundimtare’, u shpreh Basha.

Ndërkohë ka mbetur edhe gjysmë orë nga fillimi i protestës së opozitës e cila do të zhvillohet para parlamentit.