PRAG LUFTE: Blindohet qendra Tiranës / Nesër priten vrasje ….

Vijojnë përgatitjet e fundit të Policisë dhe Gardës për të përballuar protestën e opozitës ditën e nesërme.

Megjithëse kryetari i Kuvendit, Gramoz Ruçi njoftoi anulimin e seancës plenare, kjo nuk e ka penguar policinë të marrë masa shtesë duke vendosur rreth godinës së Parlamentit tela me gjemba.

Sakaq, policia ka njoftuar se ka informacione që gjatë protestës së nesërme do të tentohet të krijohen incidente e të nxitet dhunë. Rreth 1200 forca të policisë, speciale dhe gardistë pritet të zbresin në terren për ruajtjen e qetësisë.

“Nga informacionet e mbledhura nga shërbimet përkatëse, ka të dhëna për nxitje të dhunës dhe organizime me natyrë kriminale. Synohet hyrja me forcë në sallën e Parlamentit, duke ushtruar dhunë mbi personelin që ka detyrimin ligjor të sigurojë mbrojtjen e institucionit themelor të demokracisë”, thuhet në deklaratën e policisë.