PRAG LUFTE / Patozi: “Parashikoj ditë të zeza për Shqipërinë”

sh-deputeti  i Partisë Demokratike Astrit Patozi i ftuar në edicionin e lajmeve në ‘Ora News’ ka folur për situatën e krijuar në Shqipëri nga djegia e mandateve të opozitës.

Ai e cilëson këtë si një zjarr të madh, që të vetmit që mund  ta shuajnë janë ndërkombëtarët.

‘Tani që zaret janë hedhur mendoj që e vetmja shpresë është ndihma e partnerëve ndërkombëtarë që mund të shërbejnë si zjarrfikës për të shuar zjarrin. Unë besoj që çështja e integrimit kalon në plan të dytë. Ne duhet të evitojmë përshkallëzimin e situatës, që me shumë gjasa mund të ndodhë sepse bijtë e shqipes i kanë nxjerrë shpatat nga milli dhe në rast se nuk do të ketë një ndërhyrje energjike të partnerëve ndërkombëtare për t’i gjetur një zgjidhje, e cila edhe mund të vonojë, por që nuk është e pamundur, unë parashikoj re të zeza për Shqipërinë’, tha Patozi.