Pse Rama-Basha e minuan lëvizjen studentore?

Nga Ilir Demalia

U mbarrs mali dhe polli një mi.

Pas mbylljes me “sukses” të protestës studentore, ku shumë më kundërshtuan për skeptik dhe nihilist në shkrimet dhe analizat televizive, për shkak të mosbesimit dhe pa-aftësisë që kisha unë tek studentët ,ata cilët arritën deri aty, sa ta quajnë këtë protestë si ndryshim të ADN-së së shqiptarëve dhe fillimi një ”bote të re”, sëpaku sot mbas mbylljes me “sukses” të protestës, që siç pata shkruar e thënë, do përfundoj si një protestë hidrosanitare dhe ashtu përfundoj, ata që më bënë skeptik dhe nihilist duhet të bien dakort që pashë vetëm realisht.

Siç pata thënë, do të desha mos dilte parashikimi im, por fatkesisht ashtu doli: U mbarrs mali dhe polli një mi.

Dhe kjo do të ndodhë dhe me 16 shkurt!

Me poshtë po publikoj pjese nga shkrimet dhe intervistat për protestën studentëve si koherencë e konsistencës bazuar në realitetin shqiptar. Jo si të analistëve që veprojnë dhe funksionojnë si funksion i bandave të pusht-etit apo pritjes së pushtave për pusht-tet.

Dhjetor 7-2018 Panorama
Mos u ndalni por ndalini!
Studentët të mos ndalen jo vetëm me Ramën, por të ndalojnë këtë klasë politike që po I merr frymën, jo vetëm studentëve, por shqiptarëve dhe po shkatërron Shqipërine.

Dhjetor 9-2018 ORANEWS
Studentet duhet të jenë të qartë në platformën e tyre, në kërkesën e tyre. Nuk jam dakord me ta që thonë nuk është politik. Çdo gjë është politik, jeta e çdo individi dhe qytetari është e lidhur me politikën dhe vendimet politike.

Dhjetor 14-2018 Panorama
Rama, ja di kompleksin e krimit dhe si kryetari që drejton rrethin korruptiv-shtetëror në bashkëpunim me oligarkët ekonomik si fashizëm financiar, e di se kush janë këta “akademikë” dhe prandaj i trajton si banditë te vegjël para padrinos pushtetit.Kjo është arsyeja që “elita akademike” e vendit rrinte si m…. ne shi në atë takim.

Dhjetor 22-2018 Lajmet ORANEWS
Ikja me pushime mu duk sikur protesta ishte pjesë e administratës dhe tani qeveria i dha pushimet për festa. Unë nuk kam parë ndonjëherë njerëz të revoltuar që po largohen me pushime për leje të zakonshme, për festa, për gjelin dhe bakllavanë

Janar 7-2019 Panorama
Studentët rezultuan flakë kashte.
Nuk kishin artikulim, mendim, strategji, objekt.
Thjeshtë një protagonizëm “Alla shqiptaresh” për pak vëmendje nga dhe paaftesia si produkt i kësaj shoqërie që është ngritur jo vetëm si sistem shkollor I degraduar pranueshmërisht tashmë, por edhe si kulturë politike shoqërore për degradim dhe depersonalizim të individit si shërbëtor i së keqes.
Me inflacionimin llahtarisës exelentash dhe masterash, por edhe si menyre e zhvillimit të shoqërisë në vlersimin e paaftesise si shërbim ndaj te keqes perbashket që kanë ngritur shqiptarët me ndërtimin e “njeriut “demo(n)kritik” pas “njeriut të ri” si vazhdimësi…

Janar 8-2019 ORANEWS
Protesta për mua u fik. Unë mendoj që studentët duhet të gjejnë një rrugë se si do të dalin me këtë protestë. Dalin për të përmbysur gjithë establishmentin politik 28 vjeçar të diskretituar apo thjesht për zbatimin e atyre 8 kërkesave. Ato kërkesa kryeministri u ka thënë se do të fillojë të rregullojë konviktet. Kushdo kryeministër që vjen nuk do të mund t’i bëjë menjëherë

Studentët nuk arritën të bënin atë që duhet të bënin, që të përmbysnin bashkë me kryeministrin tërë establishmentin. Studentët nuk ndërruan fare ADN-në, po ne jemi tek ADN-ja që kemi qenë gjatë këtyre 25 viteve.

Kjo do të mbahet mend si një protestë hidrosanitare për WC, lavamana-dushe.