Rama thyen “embargon” kosovare / Mishi serb pushton tregun shqiptar

Ndërkohë që Kosova ia ka bllokuar tregjet Serbisë, Shqipëria “ha” edhe vaj, miell e grurë prej saj, ndërsa futja në listë e importeve nga Turqia, u bë pas pazareve të kryeministrit Rama, me grupet monopoliste, pjesë e interesave të dhëndrit ministër të Erdoganit, të cilët kontrollojnë tregun më të madh e dominues, të mishit depozitë frigoriferike dhe kafshëve të gjalla për mish masiv në Azi, Ballkan e vende jashtë BE-SHBA

Edhe fakti që po publikojmë sot, provon se kryeministri Rama, po e përdor pushtetin që i kanë dhënë shqiptarët, për të bërë biznese private me familjarët e tij, klanet, miqtë, shokët dhe oligarkët mjatas-djathtas, brenda e jashtë Shqipërisë, pa menduar aspak, për pasojat jetike të popullatës.

Në fillim të muajit janar, kur qeveria “Rama-3”, ishte akoma me gjysmën e ministrave hije, Zv/ministrja e Bujqësisë dhe Ushqimit, Ermira Gjeçi (Rusi), ka firmosur Urdhër Nr. 18, datë 11.1.2019, për shtim liste shtetesh, që kanë të drejtë importi kafshësh të gjalla në Shqipëri, për mish konsumi njerëzor.

Sipas informacionit, të dërguar në “PAMFLETI”, nga zyrtarë të Ministrisë së Bujqësisë, thuhet se ky ndryshim në urdhëresën ministrore, është bërë me urdhër të kryeministrit Rama, për të shtuar edhe Turqinë, në listën e vendeve, që kanë të drejtë të sjellin në Shqipëri, kafshë të gjalla për mish.

Sipas këtij urdhëri, që bie ndesh me “Direktivën Veterinare Ushqimore-2010” të BE, për vendet jo anëtare të saj, tashmë, shqiptarët e dendur me pula e mish me kimikate dhe të kalbur e kancerogjen barazilian, kinez, tajvanez, bullgar, indian e të çdo lloj shteti, do kenë në treg me marka false “mish i freskët vendi” edhe mish të ardhur nga Turqia, e cila i importon nga shtete të tjerë dhe u vendos stampë turke në “vesh”.

Kujtojmë, se me Urdhër Nr. 328, datë 22.11.2011, në Shqipëri futen kafshë të gjalla, për mish konsumi popullor dhe nga Serbia, Kili e Groelanda, urdhër që kryeminsitri Rama premtoi se do ta anulonte, në 100 ditë e para të pushtetit.

Por ashtu si me koncesionet edhe me importet monopol të ushqimeve, ndodhi e kundërta, mbasi ministri LSI-st Edmond Panariti, jo vetëm nuk ndaloi, por përforcoi urdhrin e Genc Rulit, me dy urdhëra të tjerë në vitet 2014 e 2016. Ndërsa ministri Niko Peleshi, i la në fuqi dhe i “rilindi” ato, me Urdhër Nr. 125, datë 23.3.2018, sipas të cilit, Serbia lejohet të importojë në Shqipëri, kafshë të gjalla për mish, të çdo lloji.

Ndërsa tani, shtohet në listë dhe importi i kafshëve nga Turqia, paçka se BE, ka rekomanduar të mos importohen kafshë nga Serbia e Turqia në Shqipëri, qysh nga data 11 janar 2019, mbasi kanë risk ndaj shëndetit e jetës së konsumatorit.

Shkak i këtij bllokimi është argument i BE, se në vende si Shqipëria, Serbia, Kosova, Turqia, Maqedonia, Bullgaria etj., që kontrollojnë tregun e kafshëve të gjalla për mish masiv, ekziston korrupsioni me prodhim-tregun ushqimor dhe mungon infrastruktura e specializuar, për çertifikim e kontroll të sigurisë së tyre në ferma, transport e tregje.

Por, “ujku” Edi Rama, u hapi portat e kufirit,  duke vazhduar Urdhër Nr.328, datë 22.11.2011 të ish-ministrit Genc Ruli e të ish-ministrit Edmond Panarit, duke lejuar futjen e kafshëve nga Serbia, Kili e Groelanda, por dhe të mishit e pulave me kohë frigoriferike 10-20 vite, që vzhdojnë të vijnë nga Brazili e vende të tjera./Pamfleti

Ja 13 shtetet, që sjellin kafshë ta gjalla për mish në Shqipëri, sipas kodeve dhe territoreve

  1. Serbia, me kod “RS-0”, kafshë nga i gjithë territori i saj, pa kufizim sasie.
  2. Turqia, me kod “TR-0”, kafshë nga i gjithë territori i saj, pa kufizim sasie.
  3. Kili, me kod “CL-0”, kafshë nga i gjithë territori i saj, pa kufizim sasie.
  4. Groenlanda, me kod “GL-0”, kafshë nga i gjithë territori i saj, pa kufizim sasie.
  5. Islanda, me kod “IS-0”, kafshë nga i gjithë territori i saj, pa kufizim sasie.
  6. Kosova, me kod “KS-0”, kafshë nga i gjithë territori i saj, pa kufizim sasie.
  7. Mali i Zi, me kod “ME-0”. kafshë nga i gjithë territori i saj, pa kufizim sasie.
  8. Maqedonia, me kod “MK-0”, kafshë nga i gjithë territori i saj, pa kufizim sasie.
  9. Zelanda e Re, me kod “NZ-0”, kafshë nga i gjithë territori i saj, pa kufizim sasie.
  10. San Pier & Miklon, me kod “PM-0”, kafshë nga i gjithë territori i saj, pa kufizim sasie.
  11. Zvicra, me kod “CH-0”, kafshë nga i gjithë territori i saj, pa kufizim sasie.
  12. Kanadaja, me kod “CA-0”, kafshë nga i gjithë territori i saj, me përjashtim të Rajonit të Luginës Okanaga të Kolumbisë Britanike.