SHBA/ Palët bien ‘dakord’ për ngritjen e murit, shmanget mbyllja tjetër e qeverisë

Demokratët dhe republikanët kanë arritur në parim një marrëveshje mbi sigurinë e kufirit për të financuar qeverinë amerikane dhe për të shmangur një tjetër mbyllje të pjesshme.

Marrëveshja përmban vetëm një pjesë të parave që Trump kërkon për ngritjen e murit për të siguruar kufirin, por ajo nuk përmend një pengesë konkrete.

Marrëveshja për t’u finalizuar, duhet të miratohet nga Kongresi dhe më pas të nënshkruhet nga Presidenti.

Në një deklaratë për mediat, Trump nuk foli për marrëveshjen, duke u shprehur: Se ne po vazhdojmë të ndërtojmë murin gjithsesi. – raporton BBC. 

Demokratët – të cilët tani kontrollojnë Dhomën e Përfaqësuesve – kanë refuzuar të miratojnë 5.7 miliardë dollarë për murin kufitar të propozuar nga Trump, një nga premtimet e tij kryesore të fushatës.

Një projektligj duhet të miratohet të premten, pasi financimi për disa agjensi federale mbaron.

Mbyllja e qeverisë, më e gjata në historinë e SHBA-së, zgjati 35 ditë dhe i kushtoi ekonomisë së vendit rreth 11 miliardë dollarë./Opozita.com

 

Leave a Reply

Your email address will not be published. Required fields are marked *