TMERR NË RINAS, AVIONI BËN ULJE EMERGJENTE

Një difekt teknik i avionit të kompanisë “Blu Panorama” ka shkaktuar panik të pasagjerët këtë mëngjes në Rinas.

Avioni i linjës Tiranë-Ancona ka bërë ulje emergjente menjëherë pasi është ngritur për fluturim. Në bordin e avionit është parë të dalë tym dhe kjo ka tmerruar udhëtarët.

Në një lidhje telefonike për News 24, njëri nga pasagjerët u shpreh se pasi u pa prania e tymit avioni bëri ulje emergjente, ndërsa personeli i avionit nuk u ka dhënë shpjegime se çfarë ka ndodhur.

Ndërkaq, pasagjerët kanë qendruar në aeroport dhe priten të nisen me një tjetër avion drejt Ankonas.

Theksojmë se kjo nuk është hera e parë që përsëriten incidentete me kompaninë “Blu Panorama”.