Vritet një grua tjetër në Tiranë.

Një ngjarje e rëndë ka ndodhur në mëngjes në Tiranë. Forcat e Policisë të komisariatit nr.4 në bashkëpunim me Shërbimin për Çështjet e Brendshme   kanë arrestuar një punonjës të Gardës së Republikës, i dyshuar se ka vrarë bashkëshorten 36 vjeçare Ervilma Seferaj.

Ngjarja ka ndodhur rreth orës 6 të mëngjesit në Allias, dhe vrasja mendohet se është kryer me armën e shërbimit e të arrestuarit,  shtetasit Alket Arapaj,  44 vjeç.

Materialet iu referuan për veprime të mëtejshme Prokurorisë së Rrethit Gjyqësor Tiranë për veprën penale “Vrasje për shkak të marrëdhënieve familjare”.