3 vjet burg për Menduh Thaçin / Maqedonia vazhdon Vetingun

Gjykata Penale në Shkup ka dënuar me tre vite e dy muaj burg kreun e PDSH-së, Menduh Thaçi.

Po ashtu, me tre vite burg është dënuar edhe ish-kreu i DSK-së, Shasho Mijallkov, ndërsa ish anëtarin e KZHS-së Bedredin Ibrahimi me 4 vite e gjashtë muaj burg.

Ky është aktvendimi për rastin “Titanik 2”, ka të bëjë për parregullsi zgjedhore të zgjedhjeve lokale të vitit 2013.

Sipas aktakuzës së PSP-së, Mijallkov si drejtor i DSK-së dhe anëtar i Komitetit Ekzekutiv të OBRM-PDUKM-së ka shfrytëzuar ndikimin e tij real dhe përmes Menduh Thaçit ka dakorduar të miratohen ankesat për rivotimin në tre vendvotime në Strumicë në zgjedhjet lokale 2013.