Anna Pasternak: Meghan Markle nuk mund t’i ketë të gjitha

Një nga njohëset e rregullave mbretërore Anna Pasternak paralajmëron se Dukesha Markle do të rrezikojë monarkinë nëse vazhdon të jetojë si një superstar dhe si më e mira e fushës së saj, pra si një A-lister.

Dukesha e Sussex duhet të kuptojë që ajo nuk mund ‘’të jetojë si një yll i privilegjuar i Hollywood-it’’, ndërkohë që po shijon privilegjin e monarkisë, është shprehur kjo eksperte mbretërore.

Anna Pasternak është autorja e një numri të jashtëzakonshëm librash mbretërorë.

Në një nga pjesëmarrjet e fundit të saj tek seritë javore online të ‘’Yahoo News’’ ajo ka thënë se Meghan duhet të kuptojë që ‘nuk mund t’i ketë të gjitha’.

‘’Unë mendoj se ajo çfarë Meghan duhet të kuptojë është se nuk mund të jetosh në një familje mbretërore si një yll Hollywood-i. Brenda monarkisë kërkohen një sërë sjelljesh të ndryshme’’, është shprehur për më tepër Anna.

‘’Ti nuk mund t’i kesh të gjitha. Ti nuk mund të kesh lirinë tënde por edhe privilegjin për të jetuar në një familje mbretërore. Kjo nuk është një përrallë. Pranoje këtë gjë dhe jeto me pasojat’’, ka shtuar ajo.

Nga ana tjetër Anna ka kritikuar ceremoninë ‘’baby shower’’.

‘’Ti nuk mund t’i thuash njerëzve në një anë, ruani planetin, ruani mbetjet plastike dhe nga ana tjetër të organizosh një ceremoni përpara ardhjes në jetë të fëmijës tuaj në një jaht privat që ka përmbajtje të konsiderueshme të karbonit për një ‘’baby shower’’ shumë bujar në Neë York. Unë nuk mendoj që kjo është diçka e hijshme dhe nuk mendoj që është e përshtatshme’’, ka konstatuar sërish Anna duke pasur parasysh gjendjen e vështirë në të cilën dhe globi ndodhet.

Anna tha, ‘’Meghan duhet të kuptojë që nuk është ajo por mbretëresha dhe trashëgimtari i fronit ato që duhet të vendosen në qendër të vëmendjes’’.

Dhe ajo vazhdon: ‘’Nuk mendoj se ajo e kupton që nuk mund të jetë një yll ndërkombëtar në një skenë globale. Kjo duhet të jetë Mbretëresha, më pas Charles, më pas William dhe Kate. Ata duhet të jenë yjet. Kështu sigurohesh për vazhdimësinë e monarkisë’’.