BE gjobit Google me 1.49 miliardë euro

Gjiganti teknologjik “Google” është ndëshkuar me një gjobë prej 1.49 miliard eurosh nga Bashkimi Europian për shkak të bllokimit të reklamave të rivalëve. Kjo është hera e tretë që kjo kompani dënohet nga BE-ja në dy vjetët e fundit.

Vitin e kaluar, autoriteti zbatues i konkurrencës i BE-së i vendosi Google një gjobë rekord prej 4.34 miliardë eurosh për përdorimin e sistemit operativ të njohur Android për të bllokuar rivalët.

Kjo pasoi një gjobë tjetër prej 2.42 miliardë euro në vitin 2017, për fshehjen e website-ve të rivalëve të Google.

Si reagim ndaj këtij vendimi, kompania “Google” i ndryshoi kontratat me palët e treta, duke iu dhënë më shumë hapësirë atyre për shfaqjen e reklamave të kompanive rivale të kërkimit.

Kompania “Google” fiton shuma të mëdha të parave përmes reklamave në internet. Kjo kompani i ka fituar 12.6 miliardë dollarë nga reklamat në vitin 2017, ndërsa 30.7 milionë dollarë në vitin 2018.