Braktis Revolucion e të enjtes nga frika e prokurorisë / Basha në avion

Nesër opozita do të zhvillojë protestën e radhës para parlamentit, ndërkohë që për kryetarin e Partisë Demokratike, Lulzim Basha dita do të jetë e ngarkuar, pasi është thirrur edhe nga prokuroria e Tiranëspërsa i përket dosjes së lobimit në SHBA.

Por lideri i opozitës ndodhet në Bruksel. Mbrëmjen e sotme selia blu shpërndau një takim të Bashës me kryetaren e CDU-së. Ndërkohë që burime nga Partia Demokratike pohojnë për Shqiptarja.com se Basha do të qendrojë sot në Bruksel dhe ende nuk ka gjë të sigurt nëse do të jetë nesër në protestën që do të organizohet para parlamentit në të njëjtën kohë kur mbahet edhe seanca plenare.

E ndërsa me shumë mundësi tubimin e gjashtë do ia lerë në dorë kryetares së LSI-së, Monika Kryemadhi, Basha me lëvizjen e fundit duket se po shmang ngjitjen në shkallët e Prokurorisë së Tiranës?

Mbetet për t’u parë nëse do të ketë ndonjë surprizë dhe Basha të niset herët në mëngjes nga Brukseli për të kapur protestën që mbahet në orën 09:30 dhe nëse do të marrë guximin që pas saj të përgjigjet pozitivsht kërkesës për t’u paraqitur para prokurorisë. Bashkë me të janë thirrur edhe Gazmend Bardhi dhe Arben Ristani.