Danielsson flet pas takimeve me Ramën e Bashën: “Djegia e madateve, gabim fatal”

Drejtori i Përgjithshëm për Politikat evropiane, Fqinjësi dhe Negocimet e Zgjerimit Christian Danielsson foli në një konferencë për media pas takimit me kryeministrin Rama dhe kreun e PD-së Basha.

Duke folur për krizën politike në Shqipëri pas djegies së mandateve nga opozita, Danielsson tha se djegia e mandateve minon rrugëtimin e Shqipërisë në rrugën drejt BE.

“Është fatkeqësi që Shqipëria sot gjendet në kurth, le ta themi nga mungesa e stabilitetit. Forcat politike duhet të luftojnë për reformat e përbashkëta. Duhet udhëheqje e përgjegjshme për ta afruar vendin me BE.

Sa i përket opozitës kam theksuar që vendimi i anëtarëve për të djegur mandatet në bllok minon rrugëtimin e Shqipërisë në BE.  Pasiguria duhet kaluar në mënyrë urgjente. Parlamenti është shtyllë e shtetit, motori i çdo demokracia të pjekur.  Pra duhet një dialog konstruktiv.

Mendoj se duhet theksuar ajo që u tha nga zonja Mogerini dhe zoti Hahn, pra që ky bojkot është kundër produktiv dhe minon proceset e integruese. Është e rëndësishme që këto protesta të jenë të paqësore dhe ata që i organizojnë të tregohen të përmbajtur dhe të mos nxisin dhunë”, deklaroi Danielsson.

Qëndrimi i Danielsson është në një linjë me atë të delagacionit të eurodeptuetëve të Parlamentit Evropian, që kërkuan dialog brenda Parlamentit. Nëse nuk do të ketë shenja tërheqjeje nga opozita duket se negocimi i krizës së paprecedentë që ka kapluar politikën shqiptare do të kalojë nga BE te SHBA-të.