E gjithë bota po tallet me reklamën e Blendi Klosit për turizmin shqiptar

Aktori i njohur amerikan Liam Neeson

Gazeta prestigjoze e Zelandës së Re, NZ Herald i ka kushtuar një shkrim reklamës së Shqipërisë turistike me sloganin ‘Be taken by Albania’, frymëzuar nga filmi i aktorit hollivudian Liam Neeson.

 

Artikulli i NZ Herald:

Aktori i Hollivudit, Liam Neeson është bërë fytyra jozyrtare e fushatës shqiptare të turizmit për këtë vit. Pas deklaratave të diskutueshme pas filmit ‘Taken’ duket se aktori i njohur Liam Neeson ka marrë sërish vëmendjen.

Protagonisti i filmit ‘Taken’, aktori Liam Neeson është bërë tashmë imazhi jozyrtar i turizmit shqiptar.

Bota ka parë fushata shumë të mira dhe shumë të këqija të turizmit gjatë viteve. Por fushata e fundit nga Shqipëria mund të jetë ndër më të pazakontat, transmeton newsbomb.al.

Shqipëria ka ngjallur konfuzion me fushatën e saj të fundit që mban logon: ‘Taken nga Shqipëria’, e cila ka tërhequr në mënyrë të pashmangshme krahasimet me filmin amerikan ‘Taken’.

Për disa të cilët nuk e kanë parë filmin ‘Taken’, trillerin e vitit 2008, aktori Liam Neeson luan një ish-agjent të CIA-s, vajza e të cilit është rrëmbyer nga një rrjet shqiptar i trafikimit të qenieve njerëzore, transmeton newsbomb.

Shqiptarët i kanë bërë thirrje aktorit Liam Neeson që ta vizitojë Shqipërinë.

‘Hej Liam’, thuhet në faqen kryesore të faqes zyrtare të fushatës me hashtagun #takenbyalbania.

‘Në kulturën popullore, Shqipëria është parë gjithmonë si një parajsë për banditët, kriminelët dhe gangsterët’. Shqipëria nuk e meriton këtë perceptim të gabuar për të dhe ka mundësi që Hollyëoodi mund të bëjë filma shumë më të mirë për Shqipërinë,pasi filmi Taken (2008), pasqyron shumë të pavërteta mbi shqiptarët!’, shkruan faqja zyrtare në internet.