Eurodeputetët zbulojnë skandalin e Bashës: “Ankohej që Rama po prish kishat greke në Himarë”

Mediat në Greqi shkruajnë për një akuzë e cila është ngritur nga kreu i Opozitës Lulzim Basha që ka deklaruar se kryeministri Edi Rama ka shkatërruar me qindra shtëpi e kisha të minoritarëve grekë në Shqipëri.

Sipas mediave greke, konkretisht triklopodia.gr, naftemporiki.gr dhe kostasxan.com, Lulzim Basha i është drejtuar eurodeputetëve duke i thënë: ‘Rama ka shkatërruar me qindra shtëpi dhe kisha të minoritareve grekë në Shqipëri për të përmbushur interesat e tij’.

Në mbledhjen e eurodeputetëve Hollandezi Bas Belder i ka kërkuar shpjegime deputetëve shqiptarë, shkruajnë mediat greke.

Në fund të artikullit të publikuar në mediat greke thuhet:

“Deklaratën e zotit Lulzim Basha le ta mbajë Ministria e Jashtme e Greqisë dhe t’ja kujtojë kur ai të bëhet Kryeministër . Të njëjtat thoshte edhe Berisha si opozitë, por si qeveri ka vepruar ndryshe”.