FOTO: Berberi shqiptar që u bë i famshëm në Angli

Parukeria e një shqiptari në Britaninë e Madhe është spallur salloni më i mirë i vitit, ndërsa me çmimin e berberit më të mirë është vlerësuar një 22-vjeçar nga qyteti Lowestoft që punonte aty.

I riu britanik Curtis Statt, i cili ka vetëm tre vite që punon si berber, shkoi në Birmingham me ftesë të English Hair and Beauty awards.

Juria vuri re menjëherë aftësitë e tij dhe vendosi ta vlerësojë me çmimin e madh. Por i riu britanik nuk harroi të falenderojë pronarin e tij shqiptar që jo vetëm i dha mundësinë të punojë në parukerinë e tij, por dhe i tregoi sekretet e zanatit, raporton Newsbomb.al.

Pronari shqiptar Gëzim Murizi e mori të riun në punë, pasi kishte shkuar si klient për të prerë flokët.

“Ai më mësoi të pres flokët sipas metodës tradicionale, siç vetë ai kishte mësuar në të njëjtën moshë kur ishte në Shqipëri”, shprehet 22-vjeçari.

“As nuk aplikova për punë. Pasi shkova për herë të tretë aty për të prerë flokët, po diskutonim se sa orar të keq kisha te puna e mëparshme. Se kisha menduar kurrë më parë se do bëhesha berber”, rrëfen ai.