Igli Tare thirrje nga RAI-UNO: “Berisha po shkatrron imazhin e Shqipërisë”

Kryeministri Edi Rama ka dhënë mbrëmë një intervistë për televizionin italian ‘Rai Uno’ në emisionin ‘Porta a Porta’ me gazetarin Bruno Vespa.

Në panelin e të ftuarëve ka ishte edhe drejtori sportiv i skuadrës së Lazios, Igli Tare. Ky i fundit ka deklaruar se çfarë po ndodh në Shqipëri është mjaft e rëndë për imazhin e popullit. Berisha eshte nje faktor destabilizues.

Duke folur për imazhin e Shqipërisë, Tare ka cituar edhe tenorin e famashëm Sajmir Pirgu në lidhje me atë që ai u shpreh se i duheshin 200 mijë shfaqje që të rekuperojë dëmin e një gome të djegur.

“Mendoj se opozita duhet të kthehet në parlament për t‘i zgjidhur problemet. Jemi një popull i vogël, një popull pro europian por duhet të jemi të shumë të kujdesshëm për imazhin e vendit tonë. Problemet që kemi duhet që t‘i zgjidhim vetë. Ne bëjmë detyrën tonë në perëndim, por duhet që të gjithë të angazhohemi për të përmisuar imazhin e Shqipërisë nëpër Botë”, është shprehur Tare.