Incident i rëndë te protesta e “Astirit”, makina përplas 2 qytetarë

Një incident i rëndë ka ndodhur pasditen e kësaj të shtune në protestën e banorëve të “Unazës së Re”. Një person ka ndërhyrë mes protestuesve me makinë, duke përplasur dy qytetarë. Drejtuesi i automjetit është larguar me shpejtësi ndërkohë që qytetarët e plagosur janë transportuar në spital.

MAPO mëson se drejtuesi i automjetit është ndaluar nga policia pak metra larg vendit të ngjarjes nga një patrullë. Ishin protestuesit ata të cilët publikuan targën e makinës dhe akuzuan për provokim.

Një nga të aksidentuarit mësohet se ndodhet në gjendje të rëndë për jetën. Banorët vijuan edhe sot protestën të mbështetur edhe nga deputetë të Partisë Demokratike. Ata mbajtën të bllokuar rrugën për rreth dy orë.