Ka humbur Edi Rama / Në spitalet e Berlinit apo takim me Bashën në Bruksel?

Edi Rama, kryeminister

Në Paris dje, në Berlin sot. Kjo është axhenda e lëvizjeve të djeshme dhe të sotme të kryeministrit të Shqipërisë Edi Rama, i cili nuk gjendet në Shqipëri që nga fillimi i kësaj jave.

Rama pritet të kthehet sot në Shqipëri, ndërkohë që opozita vazhdon protestën te selia e parlamentit, por ai nuk u shfaq në kuvend.

Burime nga selia e kryeministrisë thonë se shefi i qeverisë ka shkuar “për takime” në dy kryeqendrat evropiane, por pa sqaruar se për ç’lloj takimesh bëhej fjalë.

Ndërkaq, më herët, në fundjavën e kaluar, deputeti i PD Klevis Balliu nxorri në publik faktin se kryeministri kishte shkuar në spital, por një gjë e tillë u hodh poshtë nga vetë kryeministri, me anë të reagimit në rrjetet sociale dhe me botimin e një fotoje.

Pritet më vonë gjatë ditës së sotme të zbardhet axhenda e kryeministrit jashtë vendit. Edhe kreu i PD Lulzim Basha gjendet në Bruksel ditën e sotme.