Komandanti i trupave amerikane në Europë: Rusia po financon parti radikale në Ballkan që të rrëzojnë qeveritë aktuale

Komandanti i trupave amerikanë për Europën, gjenerali Curtis Scaparrotti akuzon Moskën se po financon parti politike në Ballkan për të penguar integrimin e vendeve të rajonit në Bashkimin Europian dhe NATO.

“Ata bëjnë përpjekje për të minuar çdo përparim drejt integrimeve Euro-Atlantike, BE, NATO, etj. 

Këtë e bëjnë kryesisht përmes dizinformimit, e bëjnë duke financuar dhe mbështetur parti radikale. 

Ata jo domosdoshmërisht përcaktojnë se cilin krah mbajnë. 

Rëndësi ka që të minojnë qeverinë aktuale në çdo hap të hedhur përpara. Shohim që ky aktivitet është shtuar gjatë 6 apo 8 muajve të fundit në Ballkan”.

Gjatë një raportimi përpara anëtarëve të Komisionit të Shërbimeve Ushtarake të Dhomës së Ulët të Kongresit Amerikan, gjenerali Scaparrotti paralajmëroi se rusët mund të organizojnë akte dhune në Maqedoninë e Veriut para anëtarësimit të plotë në NATO.

“Hyrja e Malit të Zi dhe Maqedonisë së Veriut në NATO besoj se janë të papranueshme për Rusinë. 

Besoj se ata vazhdimisht do të përpiqen të ndërhyjnë në Maqedoninë e Veriut siç bënë me Malin e Zi”.

Moska e ka shprehur hapur qëndrimin kundër anëtarësimit në NATO të Malit të Zi dhe Maqedonisë së Veriut, pavarësisht se ka mohuar përfshirjen në tentativën për grusht shteti në Mal të Zi që u zbulua tetorin e vitit 2016.

Disa ditë më parë, edhe kreu i Këshillit Europian, Donald Tusk ngriti shqetësimin se Rusia po përpiqet të ndërhyjë në zgjedhjet e disa vendeve europiane, përfshirë këtu edhe rastin Brexit.

One thought on “Komandanti i trupave amerikane në Europë: Rusia po financon parti radikale në Ballkan që të rrëzojnë qeveritë aktuale

  • March 15, 2019 at 11:52 am
    Permalink

    Nuk besoj se mund te flase me qarte Amerika madje me gjuhen e forces .
    A ka veshe patrioti shqiptar qe nuk e ka degjuar tashme fjalen e Amerikes.
    Sigurisht qe ne nje vend te lire si Shqiperia kane te drejte te protestojne edhe pro-ruset por si pro-ruse
    Mendoj se mjaft folen anti-shqiptaret ne emer te shqiptareve. Tani me ndihmen e Amerikes e keni kuptuar se nuk duhet lejuar me qe antishqiptaret te flasin ne emer te shqiptareve madje te kercenpone me permbysje te rendit Kushtetues,
    Ajo kohe ka kaluar tashme pasi Shqiperia partnere domethense e paktit te Altantikut te Veriut madje baze emergjente e NATOs fale Zotit e Amerikes eshte e sugurte
    Shpreh bindjen se shqiptaret nuk do i shkojne pas pro-ruseve ne Shqiperi duke i lene qe te tregojne fytyren e tyre te vertete
    Gjithnje Amerika ne eshte gjetur ne kohe te veshtira e ne duhet te shikojme nga eshte ardhmeria.
    God Bless America

Comments are closed.