KRYETARJA E PS-SË SË TIRANËS: PARATË I MENAXHON IM SHOQ! NË SHTËPI GATUAN AI, UNË MERREM ME SHTRIMIN E TRYEZËS

Blerina Gjylameti dhe bashkeshorti i saj

Deputetja e PS, njëherazi kryetarja e PS-së për Tiranën, Blerina Gjylameti ka dhënë një intervistë tërësisht ndryshe në emisionin ‘My living’ në Vizion Plus.

 

Socialistja ka folur për aspektin familjar ndërsa nuk ka ngurruar të flasë për marrëdhëniet me paratë apo gatimin, të dyja këto, ‘specialitet’ i bashkëshortit të saj.

PJESË NGA INTERVISTA:

Duke qenë një pedagoge e ekonomisë, si e ke marrëdhënien me paranë? A e menaxhon ti buxhetin e familjes?

Nuk e kam marërdhenien shumë të mirë , nuk arrij dot ta menaxhoj buxhetin e familjes, e menaxhon im shoq. Mundohem të jem e kujdesshme por si çdokush tjetër ka disa periudha që është më i kujdesshëm e disa periudha të tjera që është më pak i kujdesshëm.

Natyrshëm, nëse të pyes për ditën tënde do të më tregosh gjithë përkushtimin dhe angazhimin në punë dhe orët e gjata që të merr. Por unë dua të mësoj për mëngjesin përpara se të dalësh për në punë dhe mbrëmjen kur kthehesh në shtëpi.

Mëngjeseve që t’iu dedikohesh ashtu siç duhet është kryesisht fundjava. Gjatë javës mëngjesi është diçka e shpejtë, me nxitim, një gotë qumësht për Joelin, bashkëshorti dhe unë kemi orare të ndryshme në punë por ai angazhohet më shumë për të plotësuar këtë boshllëkun që lë unë kur dal më herët. Shpesh herë arrimë që të hamë drekë në shtëpi. Kemi gjetur një kuzhinier fantastic në shtëpi, ai është bashkëshorti im. Kemi patur një garë dikur që e fitoja gjithmonë unë se gatuaja shumë më mirë dhe kërkohej nga unë që të gatuaja, më pas ndryshuan rolet sepse ai përmirësoi performancën e tij.

Sa kohë më parë ndryshuan rolet?

Kur fillova të angazhohesha më shumë në politikë. Tashmë ai është një kuzhinier aq i mirë saqë në shpesh e mbështesim dhe i themi: Përse nuk hap një restorant? Realisht gatuan në mënyrë fantastike jo vetëm për djalin në mënyrë të posaçme. Joeli tani thotë të më gatuajë babi! Por edhe kur mblidhemi me familjarë të tjerë apo miq bashkëshorti më thotë, Blerina gatuaj unë, ti merru me shtrimin e tryezës ose sallatat. Na pëlqen shumë të treve kuzhina italiane me ushqime më delikate, më të thjeshta se ato që gatuajnë nënat tona dhe që na ndihmojnë të rrimë pak më në formë.