Nesër LSI ndahet në dy pjesë!

Luan Rama, LSI

Në seancën e nesërme plenare pritet të bëjnë betimin edhe deputetët e rinj të Kuvendit.

Luan Rama i LSI, tha i ftuar në ‘Top talk’ se nuk është zbatuar ligji dhe se Kuvendi nuk ka thirrur Këshillin e Mandateve, para të cilit, çdokush nga deputetët bën formalisht aktin e lënies së mandateve.

“E gjitha kjo që po ndodh është një krizë politike dhe zgjidhet me mjete politike, vullnet politik. KQZ s’ka pse bëhet pjesë e kësaj farse që ka nisur me paligjshmëri. Seancat e kuvendit kanë rregulla strikte. Sa i përket mandateve KQZ është investuar pa u zbatuar më parë ligji nga Kuvendi i Shqipërisë.

Nuk është thirrur komisioni i mandateve për ta formalizuar aksionin politik të opozitës për djegien e mandateve, pa u bërë ky hap, procedura e mëtejme bie.

Nëse i qendrojmë zbatimit të ligjit, ligji zbatohet nga A te Zh dhe është detyre e kuvendit por ai kuvend është provokatori më i madh. Sot jemi në një paradoks tjetër. kushtetuta në nenin 64 e përcakton që Kuvendi përbehet nga 140 deputetë. Në momentin që s’janë kaq deputetë, Kuvendi është ilegjitim. Ndaj kur ikën dhe vetëm një deputet, zëvendësohet. Nuk do shkohet te numri 140 pavarësisht trukimeve”, tha Luan Rama.