PD pranon një qeveri të majtë pa Ramën kryeministër që të përgatisë zgjedhjet

Nënkryetari i Partisë Demokratike, Edmond Spaho thotë se për zgjidhjen e krizës ato janë të gatshëm për një qeveri të majtë.

“Jemi të gatshëm që të pranojmë dhe një qeveri të majte të përgatis zgjedhjet dhe kushdo që fiton, të qeveris vendin:, ka thënë ai në një intervistë për Vizion Plus.

I pyetur për zgjedhjet vendore, zoti Spaho deklaroi: Nuk ka kuptim për sa kohë që debati është për pushtetin qendror.

Ndërkohë ish deputeti socialist, Arben Malaj thotë se duhet ta pranojmë se në vend tashmë kemi një krizë, por ai ka theksuar se nuk është dakord me Presidentin e PE-së, i cili është shprehur se Shqipëria është në një “luftë civile”.

Zgjidhja do të gjendet në minutën e fundit, siç ndodh gjithmonë. Por mund të gjendet zgjidhja per situatën, por jo zgjidhje për të ardhmen”, thotë Malaj.