Protesta e së shtunës / PD paralajmëron përplasje të forta

PD paralajmëron një përplasje të fortë për protestën e së shtunës më 16 mars. Me gojën e njërës prej grave më paqësore të opozitës, selia blu ka dhënë sinjalet se demostruesit mundt të çajnë edhe kordonin e policisë që do rrethojë kryeministrinë.

Madje në intervistën e saj në ABC, Jorida Tabaku ka theksuar: “Protesta do të nisë në orën 11:00 dhe do mbarojë kur të shikohet e arsyeshme se mbaron. Nuk do jetë 1 orë ose dy orë, nuk do ketë fjalime”.

Tabaku ka shtuar: “Ne nuk do bëjmë kurrë asgjë,  nëse kordoni i policisë hapet vetë dhe njërëzit e irrituar mund të kenë ballafaqim momental është jashtë kontrollit të çdokujt”.

Në fakt Tabaku ka përsëritur disa herë se PD jep mesazhe qetësie, se ajo nuk vjen në pushtet me dhunë por me zgjedhje, por kur është pyetur nga gazetarja Milori për atë që ndodhi në 16 shkurt ajo, th se policia hapi gardhin enkas që protestuesit e revoltuar të depërtonin.

A mund të ripërtritet e njëjta gjë? Fryma është e tillë.

Dhe se çdo të thotë një protestë pa fjalime dhe ku turma nund të dalë jashtë kontrollit, shqiptarët e kanë parë që nga 21 janari deri në 16 shkurtin e këtij viti. Ky skenar parashikohet edhe te shtunen.