Rama vazhdon flet në parlament / Protestuesit nuk tentojnë të hynë brenda

Edi Rama, kryeminister

Kryeministri Edi Rama ka marrë fjalën i pari në nisje të seancës plenare pasi i duhet të largohet drejt Italisë ku siç tha ai do të shpjegojë për mediet e vendit fqinj se ato pamje të shëmtuara e shqetësuese siç i cilësoi ai, nuk janë pamjet e nje proteste popullore, por reagim i ‘pallatit të politikës’.

 

Më tej Rama, duke bërë një rezyme të marrëveshjes së 17 majit me kreun e PD Lulzim Basha tha se kjo është një përsëritje e atij seriali dhe e cilësoi aktin e djegies së mandateve, një akt vetëvrasës.

‘Kërkova fjalën në fillim se pastaj më duhet të largohetm për të shkuar matanë detit që të shpjegoj për vendin fqinj të Italisë se c’ka lajmet kanë shfaqur me ato pamje shqetësuese, nuk është protestë popullore por eshtë një reagim brenda pallatit të politikës nga ajo pjesë e tërësisë së përfaqësisë politike të popullit shqiptar që për asnjë moment s’pati sensin e reflektimit.

Ajo që ndodh sot është vijimi i një rruge pa krye ku e vetmja gjë e re është një vendim politikisht vetëvrasës, si rezultat i humbjes së plotë të shikimit mbi vetveten dhe Shqipërinë. Jemi në kushtet e një sezoni të ri të një seriali të njohur. Nuk besoj se e keni të vështirë ti bëni një thirrje të shpejtë kujtesës për situatën dy vite më parë kur në këtë periudhë në Bulevard u ngrit një cadër dhe nisi një rrugëtim për të ndërtuar një republikë të re me kushtin e panegociueshëm për një qeveri pa Edi Ramën kryeministër dhe tranzitore për zgjedhje sipas dëshirës së atyre që sot janë larguar përfundimisht nga ky parlament.

Ne vumë interesin e vendit mbi interesin e ngushtë politik dhe bëmë një hap të panjohur në histori duke i vënë në dispozicion opozitës të gjitha ato që kërkuan, gjithçka, edhe duke marrë mbi vete pakënaqësinë e mbështetësve tanë. Morën ministrinë e Brendshme, të gjitha që kërkuan, Arsimin, Shëndetësinë, Financat me idenë që këto ministri ishin elektorale dhe PS mund ti përdorte për qëllime elektorale. Pse? Sepse këtë kishin bërë kur kishin qeverinë. Morën për herë të parë, kryetarin e KQZ, dhe kishin shumicën për herë të parë në KQZ. Dhe për herë të parë u zhvilluan zgjehdje ku Kolegji Zgjedhor mbeti pa punë. Asnjë ankesë. Zero. i bëmë këto duke kërkuar dy gjëra: kush fiton qeveris, kush humb pranon rezultatin. Dhe e dyta jo më baltë për Shqiëprinë në gjuhë të huaj. Këto të dyja kishim, asnjë kërkesë tjetër. Dihet si shkoi rezultati dhe dihet se pas zgjedhjeve pati një periudhë qetësie të plotë ku askush nuk kontestoi rezultatin dhe KQZ me shumicë votoi 7 me 0 me shumicë të opozitës, rezultatin.

Atëhere jemi të gjithë dëshmitarë këtu se cfarë opozitë kemi pasur këtu në sallë. Një grusht njerëzish pa ide, pa program, pa asnjë sens përgjegjësie për ata njerëz që i sollën këtu jo për të treguar muskujt. Na tërhoqën në batakun e tyre, shpesh herë u bëmë dhe ne pjesë e atij bataku fatkeqësisht. E gjitha degradoi në një situatë të papranushme, dhe sot jemi në kushtet kur ata janë larguar, një pjesë tjetër e opozitës po zenë vendet e tyre në Parlament. Ne na takon që këtij Kuvendi ti japim përmasën e halleve, shpresave dhe të pritshmërive të njerëzve’, tha Rama nga Kuvendi.