SHBA goditja fatale Lulzim Bashës: “Zgjedhjet 2017 legjitime. Apelojnë të gjithë deputetët e rinj ti zëvendësojnë”

Një ditë para protestës së 16 marsit, Ambasada e SHBA ka goditur rëndë opozitën me një mesazh tejet të forte, duke i nxjerrë paksa jashtë loje këta të fundit.

Me anë të një postimi në Facebook, Ambasada i bën thirrje ish-deputetëve të dorëhequr të opozitës të lejojnë deputetët e rinj të Parlamentit të punojnë për të ardhmen e vendit e të bëjnë punën e tyre.

Ndërkohë kujtojmë se më parë ajo i ka kërkuar deputetëve të mos i djegin mandatet, por duke qenë se ish-deputetët vendosën të bëjnë të kundërtën, Ambasada ka mbajtur qëndrim të ashpër ndaj tyre.

Reagimi i Ambasadës së SHBA në Facebook:

Pavarësisht se protesta paqësore është një shtyllë themelore e demokracisë, nxitja apo kryerja e veprimeve të dhunshme, përfshirë edhe shkatërrimin e pronës publike, janë të paligjshme. Ne i nxisim të gjithë aktorët e demokracisë shqiptare që të ushtrojnë vetëpërmbajtje në protestën e 16 marsit. Ambasada e Shteteve të Bashkuara i konsideron Qeverinë dhe Parlamentin aktual të Shqipërisë të zgjedhura në mënyrë legjitime nëpërmjet zgjedhjeve të vitit 2017, të njohura ndërkombëtarisht. Ne vlerësojmë punën e mirë që është bërë në zbatimin e reformës në drejtësi në Shqipëri, si dhe përparimin në luftën kundër korrupsionit dhe krimit të organizuar. Ka ende punë për të bërë. Ndërkohë që, ata ish anëtarë të Parlamentit të cilët vendosën të braktisin mandatet, hoqën dorë nga detyrimet e tyre ndaj qytetarëve shqiptarë, duhet të lejojnë ata që duan të punojnë për të ardhmen e vendit të bëjnë punën e tyre. Ne mbështesim të gjithë ata që vazhdojnë të jenë të përfshirë në procesin demokratik në Parlament, në mënyrë që Shqipëria të vazhdojë të ecë përpara, drejt anëtarësimit në Bashkimin Europian.

Leave a Reply

Your email address will not be published. Required fields are marked *