Shkërmoqet “banda” e Krye-Voglës, dezertojnë të tjerë kandidatë të LSI, plotësohet lista deputetëve 100%

LSI kishte 18 deputetë në Kuvend, por njëri prej tyre, Lefter Koka, nuk iu bind, duke thënë se kjo die ishte një skenar i Sali Berishës. Por, problemi më serioz i Metës dhe Monikës është se po i dezertojnë të gjithë kandidatët në lista, çka tregon se këtë parti e mban të bashkuar vetëm pazaret dhe ndarja e plaçkës së vjedhur.

Të gjithë deputetët e Monikës dhe Metës që hoqën dorë nga mandati do të zëvendësohen në Kuvend. Deri më tani, kanë dezertuar dhe kanë marrë mandatin 10 kandidatë. Ata janë Edmond Rrushi, Aurora Mara, Enver Roshi, Ylli Shehu, Edlira Hyseni, Elda Hoti, Ediola Braho, Ralf Gjoni, Nimet Musai dhe Enada Koçiraj.

Por, janë edhe 50 kandidatë në listën e LSI, të cilët jo vetëm që nuk pranojnë urdhrin për të mos marrë mandatet që kanë mbetur, por ata as që e njohin Monikën si kryetare.

Për të ndaluar këtë shpërbërje shokuese, Monika dhe Meta kanë përdorur të gjitha metodat. Fillimisht u kanë ofruar pazare kandidatëve që të mos pranojnë mandate, duke u premtuar se nëse qëndrojnë besnikë, do të futen në listat e ardhshme dhe do të marrin poste gjoja në qeverinë kalimtare. Më pas, kandidatët janë kërcënuar se do t’u hapen dosje, etj.

Në fund, Monika doli dhe i quajti tradhtar dhe të blerë nga Edi Rama me paratë e drogës. Dezertimet kanë nisur edhe në radhët e këshilltarëve të LSI në pushtetin vendor. Pas valës së largimeve një vit më parë, ditët e fundit ka nisur një valë e re dezertimesh në të gjitha bashkitë e vendit/Pamfleti