Shpërthen Dulja: Rama po shkel të drejtat e minoritetit. Basha shpresa e vetme

Kreu i partisë PBDNJ, Vangjel Dule doli sot në një konferencë për shtyp lidhur me raportin e Këshillit të Europës për të drejtat e minoritetit etnik në Shqipëri.

Lulzim Basha është shpresa e vetme për minoritetin grek ne Shqiperi.

Dule u shpreh se sipas raportit Shqipëria është një ndër vendet që nuk respektohen të drejtat e minoritetit.

“Kjo konferencë është për raportin e fundit të këshillit të Europës për statusin e respektimit të të drejtave të minoritetit në vendin tonë. Ne si PBDNJ na lë një shije të dyfishtë raporti i bërë publik dje. Na lë shijen e trishtueshme të realitetit që konstatohet edhe nga KE se në vendin tonë nuk respektohen në masën që kërkohen të drejtat e pjesëtarëve të minoriteteve. Me ndarjen e reformës territoriale dhe ligjit për minoritete por edhe për një sërë çështjes të tjera gjejnë pasqyrimin. PBDNJ me ndjenjën e falenderimit për sekretariatin e KE që punoi për të prezantuar këtë opinion dëshiron të shprehet edhe njëherë duke iu drejtuar qeverisë por edhe klasës politike Shqipëria ka nevojë për një dialog institucional, që të përmirësojë kuadrin ligjor. Të ngrihen të gjitha instrumentet e nevojshme që do të mudësojnë këtë dialog. Duhet kultivuar ai vullnet politik që në masë të kosiderueshme mbetet negativ ose inekzistent në lidhje me të drejtat e minoritetit etnik”, tha Dule.