SHQIPTARËT I DHURUAN SHTËPI, 16 VJEÇARJA: ÇOVA AMANETIN E BABIT NË FUND

Ina, vajza 16 vjeçare e familjes nga Pogradeci që u bë më shtëpi, ishte e ftuara speciale mbrëmjen e sotme në studion e emisionit ‘Shqiptarët për shqiptarët’.

Moderatorja Ola Bruko dhe Elvis Naçi e quajtën vajzën heroinë, pasi ajo e vetme kujdeset për familjen e saj.

Ina u shpreh se amaneti i babit u çua deri në fund.

‘Unë e di se ai sot është i kënaqur se unë e çova amanetin e tij deri në fund, por vetëm me ndihmën tuaj dhe të shqiptarëve’, tha Ina.

Ndërkohë Elvisi shtoi ‘Jemi edhe ne shumë të lumtur, ju Ina dhe fëmijët jeni të pafajshëm, jeni të gjithë heronj, ja keni dalë por nuk jeni përkrahur shumë nga shoqëria. Ti je shumë inteligjente, jam i sigurt që do bëhesh infermiere. Ti do të na telefonosh dhe ne do të jemi në krahun tënd.

Ina u shpreh se nuk e priste që ditën që u kthyhen në Pogradec ata do të bëheshin me shtëpinë e re .

‘Nuk e besova dot, kur u futëm në banesë unë prisja që të vinin miqtë por pastaj ju më thatë që ishte apratamenti ynë. Ne prisnim të ktheheshim tek ferri ynë, por shqiptarët na kishin çuar në parajsë’, u shpreh Ina.

Ndërkohë dhe bamirësi Ilir Hoxholli ka postuar foto me 16 vjeçaren duke shkruar ‘Ina vetem 16 vjec kujdeset per familjen, sot shqiptaret e bene me shtepi te re, zemra po me gufon, faleminderit Zot!’